dark-angel
عدد الرسائل : 1359
العمر : 38
مزاجك : اضحك كركر اوعى تفكر
بلدك : لو لم اكن مصريا لو وددت ان اكون مصريا
وظيفتك : فنى ستائر وديكور
جوجل : <a href="http://fusion.google.com/add?source=atgs&feedurl=newfriends.yoo7.com"><img src="http://buttons.googlesyndication.com/fusion/add.gif" border="0" alt="Add to Google"></a>
تاريخ التسجيل : 16/10/2007
بطاقة الشخصية
مزاجى:
 | موضوع: اشهد ان  الثلاثاء نوفمبر 06, 2007 1:42 pm | |
| كنت آعد أنا وزمانى
آعد يشكيلى همه وأحكيله أحزانى
بكينا على حال بلدنا
و الفقر اللى جوعنا
شكينا لبعض همومنا وأوجاعنا
وفجأه.. جه واحد مسئول عن الأمن وأعد أدامنا
تقريبا ماعجبهوش كلامنا
وبصته ليه لفتت انتباهنا
بصيت لزمانى وألتله:
أجمل حاجه ف الدنيا مصر بلدنا
وأجمل ما فيها حكومتنا
و إشهد يازمان
إشهد ع النعمه اللى احنا فيها
وسمى على بلدنا و م العين إرئيها
و إدعى لريسها وحاميها
نحمد ربنا صاينها ومحافظ عليها
مش لا قدر الله _حاميها حراميها_
إشهد يازمان
إشهد ان بلدنا بلد الأمن والأمان
لا جوع وفقر ولا حرمان
و الشغل ف كل مكان
واللى مش لا قي شغل.. ده واحد كسلان
والمرتبات بتأضى و بتفيض كمان
إشهد يا زمان
إشهد على بلدنا أم الدنيا
لا عواطلجيه و بلطجيه ولا حراميه
الأمن مستتب وكله ميه ميه
و كل واحد بيقول رأيه ما احنا ف بلد ديموقراطيه
لا تهم بتتلفأ ولا عمرنا جربنا الديكتاتوريه
إشهد يا زمان
مافيناش واحد مفلس
كلنا فايقين وماحدش مهيس
كلنا راضيين وحالنا كويس
وبندعيلك من قلوبنا يا ريس
و إشهد يازمان
ما تشهد يا زمان
ولا فاكرنى بجامل اكمنى جبان
ولا اكون خايف اتكلم لا أرجع ندمان
لا يازمان
هى دى الحقيقه وكله تمام
وهوه ده حال بلدنا وهتبقا عليه على مر السنين والأيام
وإشهد يا زمان
| |
|
