وهم اسمه الحب ...!

السلام عليكم و رحمة الله وبركاته

اولا و بعيدا عن النقولات انا اتعودت كل فتره اني أكتب موضوع من تأليفي ( احساسي في اللحظة دي )

الموضوع المرة دي العالم كله بيتكلم فيه

و انتا في دراستك
و انتا في الشات
و انتا ماشي
و انتا حتي نايم
( الحب )
ايه هو الحب
بجد مش عارف
ممكن يكون انك تكون محتاج لانسان لدرجة انك مش هتقدر تعيش من غيره
ممكن ...؟
ممكن يكون انك لقيت حد يفهمك و بيشترك معاك في نفس الإهتمامات
ممكن ...؟
ممكن و ممكن و ممكن
ممكن أي حاجة في تعريف الحب
( ده أول سؤال شبه مستحيل انك تجاوب عليه )
لو حصل و حبيت ايه هيكون حجم التضحيات اللي ممكن تقدمها علشان تحافظ علي الحب ده ؟؟
ممكن تعادي اهلك ...؟
ممكن تعادي اهلها ...؟
ممكن تسيب شغلك ...؟
( دلوقتي هتقولوا عليا متعقد صح )
ايه هو الحب اللي ممكن يخليك تعمل اي حاجة علشان تحافظ عليه ( كلاكيت تاني مرة )
انا عايز اي شخص بيقرا الموضوع يسأل نفسه كام سؤال
1- حبيت كام مرة قبل كده
2- هل حبك أول مرة كان زي اخر مرة
3- ممكن تكون ندمت علي حب حبيته ؟
4- ممكن تكون ندمت علي حب سبته ؟
5- هل اللي بحبه بيحبني قد ما بحبه ؟
....................
أنا جاوبت علي الأسئلة دي ....!
1-انا حبيت مرتين قبل كده ( و تقريبا عندي 19 سنة )
2-وحب اول مرة عمرة ما كان زي اخر مرة
3-انا فعلا ندمت علي حب حبيته
4-للأسف لا علشان انا كنت الضحية في الحالتين
5-ده بقي اللي نفسي اعرفة
ومع اني ولد بس في بعض الحركات اللي بيعملها الشباب بضايقني جدا
اللعب بالبنات تحت مسمي الحب جريمة
علشان البنات ( مش كلهم ) ذوي احساس مرهف ( تاني مرة مش كلهم )
و تاني حاجة
لما يحس انا العلاقة بقت بايخة او انها بتدخل في سكة جواز علي طول يفكر انه ( يخلع )
لــــــــــــــــــــــــــــــــــــيـــــــــــــــــــــــــــــه
من خلال التجربتين اللي عشتهم
ممكن أقول عن تجربة شخصية
( الحب وهم )
لا و أكبر وهم
لما تجيب هدية لواحدة في الفالنتين و هي تديها لخطيبها في الفالنتين اللي بعده
( يبقي الحب وهم )
لما تضحي بكرامتك قدام الناس علشان تحافظ علي كرامة واحدة و هي تعمل العكس
( يبقي الحب وهم )
لما تقول لواحدة بحبك و هي تقولك هفكر
( يبقي الحب وهم )
من الأخر ومن غير ما أطول عليكم
( وعلشان محدش يقول عليا متعقد )

انا حبيت
و انتا حبيت
و انتي حبيتي

عايزك أنتا ( انتي )
تسأل نفسك
ايه هو الحب
هتلاقيه ولا حاجة

( ملحوظة )
انا عارف ان الردود كلها هتكون ضدي و انا الحب موجود و هتجيبوا الأمثلة
مش عايز ردود قبل ما تقرا الموضوع كويس أوي و تفكر في الأسئلة كويس اوي

A H m E D
MR.Firyano
No Woman No Cry

بص انا عاوزه اقولك حاجه انت شويه فاهم الحب غلط جايز لانك مريت بتجارب فاشله لكن الحب مش وهم بكره انشاء الله تحب وتلاقي الوحده اللي تخليك تغير رايك (ان الانسان قبل الحب شئ و عند الحب كل شي وبعد الحب لا شئ ) ارمي اللي فات ورا ظهرك لاتبحث عن الحب دعه ياتي وحده

يمكن اكون فاهمه غلط
بس انا بنيت الرأي بعد تجارب
ممكن تكون صدفة ان التجارب كانت متشابهة
بس اللي انا متأكد منه
ان انا خلال الفترة الجاية
لازم اكون لنفسي و لشغلي و لدراستي و ( بس )
بعدها ممكن افكر في الحب

عمرك 19 سنة و خضت تجربتين ... شو بيعني ليك هذا الامر .... انك في سن و عمر متقلب .. لا تعرف المفهوم الصحيح لمعنى الحب فما مررت به ما هي الا تجارب أو ممكن القول بانها مشاعر متحركة في اتجاه خاطىء ( مش عارفة كيف اوصل بصراحة الفكرة ) .
ربما تسلية ( و اعلم اعتراضك لتلك الكلمة و ذاك الامر ) ..........
الحب موجود و لا يوجد انسان يخلو من تلك المشاعر الرائعة و لكن مفهومها يتغير من شخص لآخر ... فنطقها للشخص لا تعني بصدقها .. فالفعل هو السبيل الذي من خلاله يتم توضيح الكلمة و مكمونها ......
عندما تحب شخص لدرجة يصعب التخلي عنه و تجد نفسك محاصر بتلك المشاعر و تجد ردة فعل معاكسة لتك المشاعر حينها ستطلق مفهومك و تحكم بمنطلق تلك التجربة .......
فالتجارب تلك التي خضتها هي تجارب خاضها كل شاب و فتاة في مرحلة من العمر و الاكيد ان اكثرها فاشلة لأنها فترة مراهقة ... فهذا الحب يعتبر كنزوة في حياة الشاب و لكن سرعان ما سينتهي و يعلم انها مرحلة جميلة و ذكرى رائعة

طبعا أنا مضطر اني اخد برأيك
انتي اكبر مني سنا
و اكيد تجاربك في الحياة اكتر مني
انا كان هدفي من الموضوع
( التعبير عما يدور بداخلي )
و اكيد ان كل البشر عندهم مشاعر جميلة

فعلا احنا فى زمن انعدم فيه الحب أحنا فى زمن المصالح فيه أهم شئ على فكرة انا حبيت بس الفلوس كانت هى العائق لاستمرار هذا الحب على رأى الشاعر ابن عرنوس من حبينا حبيناه وصرنا متعنا متاعه ومن كرهنا كرهناه وحرم علينا اجتماعه

هههههههههههه صح شوفت Razz

يا فريانو الناس الرايقه اللي مش واخده الدنيا افش

والله يا أحمد انت زهقتنى
أعملك إيه ؟؟؟
يا بنى إنت هتفضل
قارف نفسك وقافنى معاك
فرفش يابنى
أبوس إيدك

فرفش وزقطتت

أزقطط
ليه محسسني ان انا بتفرج علي فيلم كتكوت
علي العموم
شكرا علي ردودكم
و انا متأكد ان محدش شايف الموضوع زي منا شايفة
و الحقيقة انا مفيش فيا حيل للنقاش و الجدال
فأنا هأجلها علي القليلة
سنتين ثلاثة

أوك يا مان

as you like

فرفش و زقطط زى الاخ عاطف ما قال

مش فاهم بردو معنى الحب هل هو الحب اللى فدماغى؟

كل واحد شايف الموضوع ده من وجه نظره ,,,,,,,,,,

و المفروض ان وحه نظره هى الصح,,,,,,,,,,

بس المفروض ان الانسان عايش علشان يجرب ويتعلم,,,,,,,,

مش شرط فى الحب بس........فى كل حاجه,,,,,,,,,,

اكبر غلط انك تكون وجه نظر من تجربة واحدة,,,,,,,,,,,

راجع نفسك,,,,,,,,,,,,,,,,,,

لا تعليق...........

لا تعليق .......!
اذا كان لا تعليق
يبقي ايه الرد الطويل العريض ده
الف شكر علي المرور

ياريت بلاش نظام السخرية بتاعك ده وبطل بقه

كون ان الواحد رد ع الوضوع ده فى حد ذاته مش سخرية,,,,,,,,,

راجع نفسك,,,,,,,,,,,,,

انا قصدى على رد احمد مش على الموضوع

ليه أنا مش شايف أى سخرية
راجع نفسك برضه

ممكن تخليك فى حالك

لية بتسمى الحب وهم

دة الحب اجمل شىْ فى الوجود

عزيزى احمد يتلخص الحب فى كلمتين الحب تضحيات وعطاء اذا فقد شرط من الاثنين مش ممكن يكون حب رقم 2مفيش حاجه فى الدنيا تخليك تضحى بمسقبلك اودراستك لان الحب بيخليك تعمل العكس

تهتم بمسقبلك ودراستك

وبعدين ياحمد انت قولت ان انت خوضت تجربتين فاشلتين قبل كده مشالتش نفسك ايه سبب فشلهم
هل كان منك ولا منهم
ممكن اسالك سوال وترد عليا التجربتين دول حب حقيقى ولا مراهقه وانت بتقول انا سنك 19 سنه
وانت عارف ان سن المراهقه عند الشاب تنتهى فى سن 18او19 سنه
بعد ما تلاقى اجابه على السؤال اللى سألتهولك اكمل معاك هذا الموضوع
حاجه اخيره الحب يابنى شىء جميل بس اللى يستاهلوا مش اللى بيلعب بيه ................................

مستر وليد
مع انك جديد معانا بس انا حاسس انك اخدت علي جو المنتدي بسرعة
اما بخصوص أسألتك
انا متاكد ان حبي كان حب مراهقة
و هفضل احب حب مراهقة لحد ما اتجوز
علشان كده بالنسبالي الحب مجرد وهم
لعبة
لعبة شوفت ناس كتير بتتكلم عنها و قررت اني ادخلها
بس للأسف
انسحبت من تاني مرحلة
بس هكمل
لما اخد علي الموضوع و الجو العام